ΧΡΙΣΤΟΣ ΓΕΝΝΕΘΕΝ
Κάλαντα Χριστουγέννων με προέλευση από τα Κοτύωρα Πόντου.
Χριστός ‘γεννέθεν χαράν σον κόσμον,
χα καλή ώρα καλή σ’ ημέρα χα καλόν παιδίν οψές ‘γεννέθεν.
------
Οψές ‘γεννέθεν το βράδ’ εστάθεν,
τον εγέννεσεν η Παναγίαν τον ενέστεσεν Αϊ Παρθένος.
------
Εκαβάλκεψεν χρυσόν μουλάριν,
εκατέβηκεν σο σταυροδρόμι έρπαξαν ατόν οι (σ)χίλ’ Εβραίοι
(σ)χίλ’ Εβραίοι και μύρ’ Εβραίοι.
------
Άσ’ σ’ ακρόγτικατ’ κι άσ’ σην καρδίαν,
γαίμαν έσταξεν χολή κ’ εφάνθεν όπου έσταξεν εμυροστάθεν.
------
Εμυρίστεν ατ’ ο κόσμος όλον,
να μυρίστ’ ατό και ‘σύ αφέντα ‘σύ αφέντα καλέ μ’ αφέντα.
------
Δέβα σο ταρέζ κ’ έλα σην πόρταν,
φέρον βούβας και λεφτοκάρια έβγαλ’ την κεσέ σ’ και δώσ’ παράδες.
Χρόνια πολλά,
χρόνια πολλά και πάντα και του χρόνου.
Κοινωνικα Δικτυα